bloubulblog.co.za

Die afrigter van die Vodacom Bulls, Frans Ludeke het besluit om JJ Engelbrecht en Wilhelm Steenkamp los te laat op die Lions hierdie komende Saterdag.

Beide die spelers het gereelde verskynings op die veld gemaak die seisoen, maar dit was nog elke keer van die reserwebank af. Veral Engelbrecht het telke male ‘n verskil gemaak van die bank af, en moes al ‘n paar maal vir Johann Sadie vervang as gevolg van ligte stampe en stote.

Dit is dan ook in Sadie se plek wat JJ Saterdag sal opdraf. Sadie is een van drie reserwe agterspelers, die ander is Jano Vermaak en Louis Fouche. Lees verder...

Die span van die Vodacom Bulls wat Saterdag teen die Crusaders op Loftus Versfeld speel, is dieselfde een wat verlede naweek met ‘n bonuspunt van Nuweland teruggekeer het.

Die Vodacom Bulls se afrigter, Frans Ludeke, het sy vertroue in dieselfde 22-tal as teen die Stormers uitgespreek om teen die spogspan van Canterbury te speel.

Ludeke het gesê sy span kry ‘n kans om die foute van verlede naweek reg te stel, maar bygevoeg dat die Crusaders selfs meer eise as die Stormers kan stel, al is die wedstryd op Loftus Verfeld. Lees verder...

Die span van die Vodacom Bulls wat Saterdag teen die Stormers op Nuweland in Kaapstad speel, toon geen veranderinge aan die een wat verlede Saterdag met die Reds afgereken het nie.

Afrigter Frans Ludeke kon weer dieselfde beginspan kies, die eerste keer vanjaar dat beserings nie sy keuses verander nie.

Hy moes nietemin ‘n verandering aan die plaasvervangerbank maak, waar Willie Wepener weens ‘n ontsteekte senuwee in sy gesig moes onttrek.

Bongi Mbonambi, wat tot dusver in die Blou Bulle se Vodacombekerspan diens gedoen het, is in sy plek gekies. Dit sal Mbonambi se debuut in die Vodacom Super Rugby-reeks wees as hy speelkans kry. Lees verder...

Hulle moet nou daardie momentum behou wat met die goeie sege afgelope naweek opgebou is, ongeag die moeilike taak om die Luiperds op hul tuisveld in Portchefstroom te probeer tem, het die Blou Bulls-afrigter, Pine Pienaar, Woensdag gesê.

Ná hulle puik sege oor die Goue Leeus is die span gretig om op die wenpad te bly, het Pienaar laat blyk.

“Ons moet aanhou verbeter. Om met ‘n nederlaag en toe ‘n gelykop-uitslag te begin was nie goed genoeg nie en daarom was die sege teen die Leeus ‘n bevestiging van waartoe ons in staat is. Die Luiperds weg is ‘n taaie, maar ons het nie ‘n keuse anders as om te wen as ons steeds op die punteleer wil vorder nie.” Lees verder...

Ná ‘n besoek aan die plaasvervangerbank van die Vodacom Bulls teen die Blues en Northampton om ‘n kontrak met die Saints te sluit, is Gerrit-Jan van Velze weer terug in bekende waters en voer hy die Blou Bulle Saterdag aan as hulle die Goue Leeus in ‘n Vodacombekerwedstryd op Loftus Versfeld pak.

Die Blou Bulle soek ‘n eerste sege ná ‘n stadige begin in die reeks.

‘n Nederlaag in hul openingswedstryd en ‘n gelykop-uitslag verlede week was nie die beste manier om die kompetisie te begin nie, maar dinge lyk heelwat beter vir afrigter Pine Pienaar. Lees verder...

Die Vodacom Bulls kom hierdie Saterdag te staan teen die verdedigende kampioen, die Reds. Verlede jaar se kampioene is egter uitgedun as gevolg van beserings, en moes die onbekende Dallan Murphy kies op losskakel.

Die jong speler het nog nie eers ‘n volle 5 minute se Super Rugby agter sy naam nie, en kom Saterdag voor ‘n groot toets te staan. Sy direkte teenstander, Morne Steyn bekruip die 100 Super wedstryde merk, en het ‘n dodelike skopskoen.

Dan kan Murphy ook ‘n paar baldraers in sy kanaal verwag. Die tuisspan sal vroeg reeds sy verdediging wil beproef. Lees verder...

Die Vodacom Bulls-afrigter Frans Ludeke het slegs een verandering gemaak aan die span wat verlede naweek oortuigend teen die Cheetahs gewen het.

Jano Vermaak sal sy eerste wedstryd begin in die ligblou trui, nadat Francois Hougaard vir een week geskors is as gevolg van ‘n gevaarlike duikslag in verlede Saterdag se wedstryd. Die Vodacombeker span staan dan vir Ruan Snyman af aan die senior span se reserwebank. Dis ‘n gevoelige slag vir die Vodacombeker span wat Saterdag hul Vodacombeker veldtog afskop in die hoofvoorwedstryd. Snyman het al een keer vantevore ‘n verskyning in die Bulls trui gemaak. Lees verder...

Die driemalige Super Rugby-toernooiwenner, Wynand Olivier, is terug in die span van die Vodacom Bulls vir hul tweede ronde-wedstryd van die reeks teen die Cheetahs Saterdag in Bloemfontein.

Olivier het herstel van operasies aan sy skouer en hand en sal die middelveld saam met Francois Venter beman en die onder-kapteinskap oorneem.

Olivier se insluiting in die plek van die beseerde Johann Sadie is die enigste verandering aan die span wat die Sharks verlede week in die openingswedstryd van die toernooi geklop het.

Sadie het sy skouer in daardie wedstryd beseer en sal vir drie weke buite aksie wees. Lees verder...

Die Vodacom Blou Bulle se junior rugbyspan kan met ‘n sege oor die Goue Leeus in die eindstryd van Saterdag se Absa o.19-beker op Coca Cola Park in Johannesburg nie net seker maak  hulle word as span onthou nie, verskeie spelers kan ook regmerkies op nasionale vlak verdien.

Die Blou Bulle het vanjaar gemaklik in die eerste plek van die kompetisie se punteleer klaargemaak en ewe maklik sy halfeindstryd teen die Vrystaat gewen.

Verskeie indiwidue het binne spanverband gewys dat hulle ‘n lang loopbaan in rugby kan hê en aanspraakmakers vir die nasionale o.20-span in 2012 is. Lees verder...

Die Vodacom Blou Bulle se o.21-span het ‘n onverwagte meevaller gekry vir hulle halfeindstryd in Absa se o.21-reeks Vrydag op Loftus Versfeld teen die Goue Leeus.

Vier spelers wat in die afgelope Curriebekerkompetisie vir die Vodacom Blou Bulle gespeel het, Francois Venter, Louis Fouché, CJ Stander en Arno Botha, is almal beskikbaar vir die uitspeelstryd teen hulle suidelike buurman en afrigter Nollis Marais was duidelik ‘n tevrede man.

“Dit is uitstekend om hulle terug te verwelkom en is beslis ‘n inspuiting vir ons,” het Marais gesê, wat ook Stander as kaptein van die span aangewys het. Lees verder...