bloubulblog.co.za

Die nie-amptelike Blou Bul ondersteuners blog

Berns word tweede lid van Klub 100

Posted by Laagvat October - 7 - 2010 - Thursday 5 COMMENTS

Berns het, kort op die hakke van Rene, ook lid geword van Klub 100 toe hy Woensdag sy 100ste ‘comment’ op die blog gemaak het.

Ons het so paar vragies aan Berns gestel:

1. Waar en hoe het jou ondersteuning van die Bulle begin?
Wel, ek is in die Oos-Kaap gebore en my eerste liefde was natuurlik Oostelike Provinsie, daardie dae toe Danie Gerber, Garth Wright en Frans Erasmus nog gespeel het. Vandat ek begin rugby kyk het in die laat 80′s was Noord Transvaal net ‘n aantrekking vir my. Toe ek 12 en ‘n half jaar terug Pretoria toe trek vir werk, het ek soos ‘n eend in water die Bulle begin ondersteun, dit was net natuurlik!

2. As jy Loftus toe gaan, waar sit jy? Oos-pawiljoen, Hoofpawiljoen, agter die pale, losie?
Ek sit altyd op die Oos-pawiljoen, en bo, so naby aan die middel as moontlik. Dit is goedkoper en ons geniet die uitsig van daar af meer, en met die nuwe dak pla die nat stoele nie meer nie. Natuurlik is dit ook naby die koel enetjie vir half tyd!

3. Wie is jou gunsteling Bul-speler van alle tye? En van die huidige span?
Ek het nog nooit so daaraan gedink nie, maar ek reken my gunsteling speler van alle tye is tussen Naas Botha en Gerbrand Grobler, want toe ek begin rugby kyk het was hulle deel van Noord Transvaal se oplewing. Naas natuurlik vir sy taktiese spel en Gerbrand vir sy flair. Van die huidige span het ek baie respek vir Victor Matfield. Hy is my gunsteling vir baie redes, maar veral omdat die man so slim is met sy lynstane en kapteinskap. En natuurlik is hy een van die groot redes vir die Bulle se onlangse sukses in die Currie Beker en Super 14.

4. Wat is jou beste Blou Bul herinnering?
Moeilike ene…..ek reken toe die Bulle in 2006 vir vierde plek moes kwalifiseer in die plek van die Sharks deur (in Kaapstad nogal) die Stormers met 33 punte te wen, hou vir my baie spesiale herinneringe. Die beste wedstryde wat ek die Bulle sien speel het was laasjaar se Super 14 finaal teen die Chiefs (61-17) en die een waar hulle die Reds dood gespeel het in 2007 (92-3). Maar die beste ooit vir my was die Super 14 finaal hierdie jaar, daar kan wragtig niks beter wees as ‘n vorige O.P. ondersteuner en huidiglik Bulle ondersteuner om die Stormers in die taaiste wêreld kompetisie se finaal so ore aan te sit nie!

5. Wat geniet jy die meeste van bloubulblog? En wat dink jy kort die blog om dit nog beter te maak?
Die Afrikaans is definitief ‘n bonus op die blog, veral as dit oor rugby gaan. Vir my is die aantrekkingskrag vir die blog dat die artikels meer insig gee oor die Blou Bulle. Natuurlik is die feit dat dit ‘n familie-georiënteerde blog is en die taal skoon gehou word ook baie aantreklik vir die wat regte rugby wil praat. En ek is beïndruk dat julle vir verbeterings vra en na ons versoeke luister. Wat ek graag wil meer sien is dat jy jou eie opmerkings op die blog kan redigeer, al is dit een keer?

Baie dankie vir jou ondersteuning, Berns! Ons hoop daar is nog baie honderde ‘comments’ om te kom!

Vraag en antwoord met Francois Hougaard

Posted by Laagvat September - 24 - 2010 - Friday ADD COMMENTS

SARugby.co.za het ‘n vraag en antwoord sessie gehad met Francois Hougaard.

Question: Hi Frannie. Good job in the home leg of the Vodacom Tri-Nations. We all know you prefer scrumhalf – how does it feel to play behind the best player on the planet, Fourie, and what did you think when the Bulls first discussed moving you to wing? Thanks, David Blenheim.

Francois replies: David, thanks for the message. In many ways I believe I am fortunate to play behind Fourie du Preez. Most scrumhalves would love the opportunity to learn from a guy who so many people believe is one of the best players in the world. It has been great having Fourie with the team and I have learnt a lot over the past months. I have also been fortunate to work with Fourie at the Bulls before my Springbok selection. When I was asked to play wing I didn’t mind because it gave the opportunity to play, which was great. In the back of my mind I knew that I wanted to play 9 and I was prepared to be patient and wait for the right opportunities to come along, which they have. I know I still have a lot to learn but I am happy with progress so far.

Question: After your brief Test debut last year, can you describe the feeling of starting your first Test, especially against the All Blacks? Jack Pienaar.

Francois replies: That short time on my debut passed so quickly but it gave me a passion for more and I was chuffed to get a call up to the Tri-Nations squad. Playing the All Blacks in my run-on Test was like a dream come true. When I was a ‘lightie’ my buddies and I used to play in the yard and one of the teams we made up would be the All Blacks! It was a great experience, I am just sad that we couldn’t hold on for the win. I felt for John Smit too, because the disappointment was so much bigger in his 100th Test.

Question: Francois. I read that you like cars, so do I! What is your dream car and why? Blain Rodrigues.

Francois replies: Blain, I like cars, but I love fast cars! I also believe that you have to respect speed and power and be responsible. There are so many nice cars out there but I am a big Merc fan and I wouldn’t mind taking a Ferrari or Lamborghini for a spin on a straight, flat and quiet road!

Vraag: Haai Francois, voor ek my vraag stel wil ek net vir jou se ek dink jy is baie oulik om altyd Afrikaans te praat, en om die ere so aan ons Here te gee. Nou wil ek graag weet: Jy is op ‘n eiland met drie ander Springbokke. Wie sal jy kies om saam met jou te gaan? Dankie en die Bulle se ondersteuning loop ver hier in Zambia. Christa Prinsloo.

Francois antwoord: Christa, ek is bly om te hoor julle skreeu vir die Bulle in Zambie, hopelik skreeu julle net so hard vir die Bokke! Eerstens wil ek sê ek is trots oor my taal en ek praat Afrikaans in onderhoude want dis vir my gemaklik. Verder, ons het almal talente van bo gekry en ons moet dankbaar wees daarvoor. My drie Bok maats op ’n eiland sal Dewald Potgieter, Wynand Olivier en Pierre Spies wees. Dewald omdat hy goeie smaak in musiek het, Wynand omdat hy ook van karre hou en Pierre omdat hy lekker vris is en die swaar goed kan dra!!

Vraag: Wat het jou laat besluit om profesioneel rugby te begin speel en wie was jou rolmodel toe jy ‘n seun was? Deane Poggenpoel.

Francois antwoord: Soos baie ander jong latte was dit ’n droom van my om rugby my loopbaan te maak. En, ek moet se ek is bevoorreg om dit te kan doen want die geleenthede is baie skaars. Ek was gelukkig om die ondersteuning van my familie te hê en om na ’n sterk rugbyskool toe te gaan. My pa was ’n groot rolmodel, en ook Fourie du Preez en Joost van der Westhuizen, twee van die beste nommer neges ooit!

Vraag: Hi Francois. Hoekom sny jy nie asb net jou hare reg nie? Annette Knoetze

Francois antwoord: Ag tannie Annette, ek hou van my hare so! Ek is jonk en ek geniet my hare terwyl ek dit nog het! Miskien is my hare nie vir jou mooi nie maar ek hoop ek maak jou gelukkig as ek rugby speel, dis tog die belangrikste!

(Oorspronklike artikel by Bok in the hotseat – Francois Hougaard)

Victor oor sy 100ste toets

Posted by Laagvat August - 27 - 2010 - Friday ADD COMMENTS

Victor Matfield het vanoggend die volgende gesê by ‘n perskonferensie op Loftus oor sy 100ste toets:

“Al is die Drie Nasies in die sakkie vir die All Blacks, wil ons baie graag die Mandela-beker wen. Ons is nie gelukkig met ons vertonings tot dusver nie, en ek dink die Aussies gaan more teen ‘n harde en fisiese Bokspan te staan kom.”

“Op hierdie stadium dink ek Wereldbeker 2011, sal my laaste speeldae wees. Maar mens kan nooit nooit sê se nie. Vir nou fokus ons op die volgende twee weke, en om die Mandela-beker te wen.”

“Dit is ongelooflik om my 100ste toets op Loftus te speel. Dit is soos ‘n 2e huis vir my. Ek het wonderlike herinerringe en ongelooflike ervaringe op Loftus gehad, en het baie vriende gemaak hier. Ek hoop die Loftus-skare kan ons aanspoor om te wen.”

“My hoogtepunt by die Bokke was die 2007 Wereldbeker. Dit was ongelooflik om te sien hoeveel dit vir die mense beteken het in Suid-Afrika. Verlede jaar se reeksoorwinning teen die Britse en Ierse Leeus was ook ‘n hoogtepunt, so ook om drie oorwinnings te kon behaal oor die All Black verlede jaar.”

“My laagtepunt by die Bokke was 2003 se Wereldbeker. Ons het toe in die kwarteindstryd uitgeval, en dit was baie erg om terug te kom na SA toe, en die mense se teleurstelling te sien.”

“Ek moet dankie sê vir my Hemelse Vader. Om 100 toetse te kan speel, moet mens baie geseënd wees.”

“Ek sal graag by die spel wil betrokke bly as ek die dag uittree, maar soos ek vroeër gesê het die fokus is nou daarop vir die Bokke om te wen die volgende twee weke.”

“Al het die All Blacks alreeds die Drie-Nasies gewen, speel mens nogsteeds vir jou land, en ons wil baie graag die Mandela-beker wen. Ons wil speel soos ons weet ons kan, en dit sal hopelik sorg vir die regte eindresultaat.”

Oor die baie rugby wat deesdae gespeel word:

“Ek hou van rugby, ek sal graag nog 10 wedstryde wil speel die jaar. Ek het ‘n goeie Super 14 gehad, en ons sal ‘n kort breek vat na die Drie Nasies, maar ek wil nog ‘n hele paar wedstryde spel die jaar.”

“Ek hou nie eintlik daarvan om tyd af te vat nie, so ek werk graag aan my fiksheid as ek wel tyd af het. Harde werk, en die regte mense wat na mens kyk, soos Basil Carzis van die Bulle, help om mens aan die gang te hou.”

“Die voorbereiding is hierdie week dieselfde as enige ander toetsweek. ‘n Wen vir die Bokke is baie belangriker as my 100ste toetswedstryd.”

“Die ander ouens het gister van die maskers aangehad, en dit was bietjie skrikwekkend. Maar dit sal baie lekker wees om op Loftus uit te draf.”

“As daar 2 ouens is wat ek graag Saterdag daar sou wou hê, is dit Fourie du Preez en Bakkies Botha. Hulle is albei baie goeie vriende van my, en dit is jammer dat hulle nie daar kan wees nie. Dit is ongelukkig hoe dinge somtyds werk in rugby.”

Oor die opbou tot sy 100ste toets:

“Die week was rustig tot dusver, maar gister het dit begin optel. Dit is ‘n baie spesiale oomblik, en ek wil dit geniet, maar die wen vir die Bokke bly die belangrikste.”

Hierdie wys maar net weer hoe Victor die span se belange voor sy eie stel. Kom ons hoop Victor en sy spanmaats kan hierdie ene deurtrek!

Video onderhoud met Francois Hougaard

Posted by Laagvat August - 22 - 2010 - Sunday ADD COMMENTS

Wil jy deel wees van blou bul blog?